ਸਾਹਿਤ ਅਤੇ ਸੰਗੀਤ ਦੇ ਸੁਮੇਲ ਸੂਫੀ ਬਲਵੀਰ

ਸਾਹਿਤ ਅਤੇ ਸੰਗੀਤ ਦੇ ਸੁਮੇਲ ਸੂਫੀ ਬਲਵੀਰ

ਸੂਫੀ ਬਲਬੀਰ ਅਜਿਹਾ ਗਾਇਕ ਹੈ ਜੋ ਅਕਸਰ ਲੀਹੋਂ ਹਟਵਾਂ ਕੰਮ ਕਰਦਾ ਰਹਿੰਦਾ ਹੈ। ਸੰਜੀਦਾ ਗੀਤਕਾਰ ਤੇ ਗਾਇਕ ਹੈ...ਉਸਨੇ ਹਨੇਰੀ ਦੇ ਉਲਟ ਰੁਖ਼ ਅਖ਼ਤਿਆਰ ਕੀਤਾ ਹੈ... ਉਸਦੀ ਪਿਛਲੀ ਸੰਗੀਤਕ ਐਲਬਮ 'ਵਣਜ਼ਾਰਾ' ਉਹਦੀ ਸੁਚੱਜੀ ਸੋਚ ਦਾ ਪ੍ਰਮਾਣ ਹੈ।
ਤੂੰ ਬੱਦਲ ਵਰਗਾ ਏਂ, 
ਤੈਨੂੰ ਵਰ੍ਹਨਾ ਆਓਂਦਾ ਏ,
ਮੈ ਧਰਤੀ ਵਰਗੀ ਹਾਂ, 
ਮੈਨੂੰ ਜਰਨਾ ਆਓਂਦਾ ਏ.... 
ਬਲਬੀਰਸੂਫ਼ੀ

ਸਾਡੇ ਕੋਲ ਗਾਇਕ ਬੜੇ ਸਾਰੇ ਹੋ ਗਏ ਨੇ...ਇੱਟ ਪੁੱਟਣ ਦੀ ਵੀ ਹੁਣ ਲੋੜ ਨਹੀਂ....ਕਹਿੰਦੇ ਨੇ ਇੱਕ ਹਵਾ ਵਿਚ ਚਲਾ ਦਿਓ ਤਾਂ ਯਕੀਨਣ ਕਿਸੇ ਗਾਇਕ ਦੇ ਵੱਜੇਗੀ... ਪਰ ਇਹਨਾਂ ਵਿੱਚੋਂ ਬਹੁਤੀ ਗਿਣਤੀ ਧੱਕੇ ਨਾਲ ਬਣੇ ਗਾਇਕਾਂ ਦੀ ਐ.... ਜਿੰਨਾਂ ਕੋਲ ਨਾ ਸੁਰ ਤਾਲ ਦੀ ਕੋਈ ਸਮਝ ਐ... ਨਾ ਇਹ ਗੀਤ ਚੋਣ ਦੀ ਕੋਈ ਸਮਝ...ਵਪਾਰੀਆਂ (ਬਲਕਿ ਪੈਸੇ ਲਈ ਹਾਬੜੇ ਲੋਕਾਂ ਦੀ) ਭੀੜ ਸੰਗੀਤ ਦੇ ਖੇਤਰ ਵਿੱਚ ਹਰਲ ਹਰਲ ਕਰਦੀ ਫਿਰਦੀ ਐ....ਗਾਇਕੀ ਦੇ ਮਿਆਰ ਨੂੰ ਢਾਅ ਲੱਗ ਰਹੀ ਐ...ਕੱਚਾ ਪਿੱਲਾ, ਗ਼ੈਰ ਮਿਆਰੀ, ਬੇਸ਼ਰਮਾਂ ਵਾਂਗ ਪਰੋਸਿਆ ਜਾ ਰਿਹੈ...ਨਸ਼ਿਆਂ, ਹਿੰਸਾ ਤੇ ਬੇ-ਹਯਾਈ ਨੂੰ ਹੁਲਾਰਾ ਦਿੰਦੀ ਇਹ ਗਾਇਕੀ... ਆਪਣੀ ਕਿਸਮ ਦੀ ਦਹਿਸ਼ਤਗਰਦੀ ਹੈ...ਜਿਹੜੀ ਨਵੀਂ ਨਸਲ ਦੀਆਂ ਜੜ੍ਹਾਂ ਵਿਚ ਤੇਲ ਦੇਈ ਜਾ ਰਹੀ ਐ...ਧੀਆਂ ਭੈਣਾਂ ਪ੍ਰਤੀ ਨਜ਼ਰੀਆ ਲਗਾਤਾਰ ਵਿਗਾੜਿਆ ਜਾ ਰਿਹੈ...ਇਹ ਸੱਚ ਐ ਕਿ ਅਜੋਕੇ ਦੌਰ ਵਿੱਚ ਭੈਣ ਵਰਗੇ ਭਾਵ ਸਿਰਫ ਆਪਣੀ ਮਾਂ ਜਾਈ ਕੁੜੀ ਤੱਕ ਸਿਮਟ ਗਏ ਨੇ...
ਪਰ ਅਜੇ ਵੀ ਸਾਡੇ ਕੋਲ ਕੁੱਝ ਚੰਗੇ ਗਾਇਕ ਹੈਨ... ਜਿੰਨਾਂ ਨੂੰ ਸੁਣਕੇ ਸਕੂਨ ਵੀ ਮਿਲਦੈ...ਤੇ ਚੰਗੇ ਦੀ ਉਮੀਦ ਵੀ ਜਿਉਂਦੀ ਐ...ਅਜਿਹੇ ਗਾਇਕ ਪੁਰਾਣੀ ਪੀੜ੍ਹੀ ਦੇ ਹਨ, ਨਵੀਂ ਤੇ ਅਸਲੋਂ ਨਵੀਂ ਪੀੜ੍ਹੀ ਦੇ ਵੀ... ਸੂਫ਼ੀ ਬਲਬੀਰ ਦੇ ਗੀਤ ਸੁਣਿਆਂ ਉਹ ਏਸੇ ਜਮਾਤ ਵਿਚ ਸ਼ੁਮਾਰ ਹੁੰਦੈ...ਵਣਜ਼ਾਰਾ ਤੇ ਨੱਚਣਾਂ ਹੀ ਨੱਚਣਾ ਕੈਸਟਾਂ ਵਿਚਲੇ ਕਬੱਡੀ, ਦਰਦ, ਗੱਲ, ਦਿਲ, ਟੱਪੇ, ਨੈਣ, ਕੱਟੀ ਪਤੰਗ, ਮਾਪੇ,ਵਣਜ਼ਾਰਾ, ਅੱਜ ਦਾ ਬੰਦਾ, ਗੱਲ, ਗੱਲ ਜਦੋਂ ਕਰੀਏ, ਭਗਤ ਸਿੰਘ, ਤੇ ਆਮ ਜਿਹੀ ਗੱ ਆਦਿ ਗੀਤ ਸੁਣਕੇ ਇਹ ਧਾਰਨਾ ਬਣਦੀ ਐ. ਕਿ ਉਹਦੀ ਗੀਤਾਂ ਦੀ ਚੋਣ, ਗਾਉਣ ਦਾ ਅੰਦਾਜ਼ ਕਾਬਿਲ-ਇ-ਤਾਰੀਫ਼ ਐ...ਲਾਈਵ ਸੁਣਕੇ ਇਹ ਵੀ ਪਤਾ ਲੱਗਦੈ ਕਿ ਸੂਫ਼ੀ ਸਟੇਜ ਤੋਂ ਗਾਉਂਦਾ ਵੀ ਦਰਸ਼ਕਾਂ ਨੂੰ ਬੰਨ੍ਹ ਕੇ ਬਿਠਾਈ ਰੱਖਦੈ....ਅਜਿਹਾ ਕਰਨ ਲਈ ਉਹ ਕਦੇ ਹਲਕੇ ਲਤੀਫ਼ਿਆਂ ਜਾਂ ਮਾੜੇ ਬੋਲਾਂ ਦਾ ਸਹਾਰਾ ਨਹੀਂ ਲੈਂਦਾ...ਸ਼ਾਲਾ! ਸਾਡਾ ਇਹ ਗਾਇਕ ਏਸੇ ਤਰ੍ਹਾਂ ਆਪਣੀ ਮਿੱਠੀ ਬੋਲੀ ਤੇ ਸੰਜੀਦਾ ਸੋਚ ਨਾਲ ਸੰਗੀਤ ਪ੍ਰੇਮੀਆਂ ਦੇ ਸਕੂਨ ਵਿੱਚ ਵਾਧਾ ਕਰਦਾ ਰਹੇ....ਆਮੀਨ ।
- ਹਰਮੇਲ ਪਰੀਤ
ਸੱਚ ਦੇ ਆਸ਼ਿਕ ਅੱਜ ਵੀ ਇਹ ਗੱਲ ਕਹਿੰਦੇ ਨੇ,
ਜਦ ਚਲਦਾ ਸਿਰ ਤੇ ਆਰਾ...
ਸੌਦਾ ਸਸਤਾ ਏ..

ਕਹਿੰਦਾ ਏ ਵਣਜਾਰਾ ,,ਸੌਦਾ ਸਸਤਾ ਏ

Sufi Balbir - Akhiyan Ch Jaan

ਇਸ ਨਿਜ਼ਾਮ 'ਚ ਇਕ ਧੀ ਦਾ ਬਾਪ ਹੋਣਾ ਅਜੇ ਵੀ ਇਕ ਸੰਤਾਪ ਭੋਗਣ ਦੇ ਬਰਾਬਰ ਹੈ। ਧੀ ਘਰੋਂ ਤੋਰ ਕੇ ਬੰਦਾ ਸੁਰਖੁਰੂ ਨੀਂ ਹੋ ਸਕਦਾ। ਸਹੁਰੇ ਘਰ ਜਦ ਉਸ ਦੀ ਹੋਂਦ ਖਤਮ ਕਰਨ ਦੀ ਕੋਸ਼ਿਸ਼ ਕੀਤੀ ਜਾਂਦੀ ਹੈ ਤਾਂ ਉਹ ਚਾਹੁੰਦਿਆਂ ਵੀ ਕੁਝ ਨੀਂ ਕਰ ਸਕਦੀ। ਜੇ ਤੁਸੀ ਕੁਝ ਕਰਨਾ ਚਾਹੋ ਤਾਂ ਉਹ ਤੁਹਾਨੂੰ ਵੀ ਰੋਕ ਦਿੰਦੀ ਹੈ, ਇਸ ਡਰੋਂ ਕਿ ਹਾਲਾਤ ਕਿਤੇ ਹੋਰ ਨਾ ਵਿਗੜ ਜਾਣ।
 ਤੁਹਾਡੇ ਮੋਢੇ ਤੇ ਸਿਰ ਰੱਖ ਕੇ ਸੌਣ ਵਾਲੀ ਧੀ ਹੱਸਣਾ ਵੀ ਭੁੱਲ ਜਾਂਦੀ ਹੈ। ਇਸ ਹਾਲਾਤ ਵਿਚ ਇਕ ਬਾਪ ਦੀ ਕੀ ਹਾਲਤ ਹੁੰਦੀ ਹੈ ਇਸ ਨੂੰ ਬਹੁਤ ਹੀ ਮਾਰਮਿਕ ਅੰਦਾਜ਼ ਨਾਲ ਲਿਖਿਆ ਤੇ ਗਾਇਆ ਹੈ ਸੂਫੀ ਬਲਬੀਰ ਨੇ। 
ਤੁਸੀਂ ਅੱਖੀਆਂ 'ਤੇ ਬਹੁਤ ਗੀਤ ਸੁਣੇ ਹੋਣਗੇ ਪਰ ਇਹਨਾਂ ਅੱਖੀਆਂ 'ਤੇ ਇੰਝ ਵੀ ਗਾਇਆ ਜਾ ਸਕਦਾ ਹੈ ਤੁਸੀ ਸੋਚ ਵੀ ਨੀਂ ਸਕਦੇ। ਇਹ ਗੀਤ ਸੁਣਨ ਵਾਲਾ ਹੀ ਨਹੀਂ ਮਹਿਸੂਸ ਕਰਨ ਵਾਲਾ ਵੀ ਹੈ। 
https://www.youtube.com/watch?v=U6agzJeifNk

Sufi Balbir - Chona Nede Ne "ਚੋਣਾਂ ਨੇੜੇ ਨੇ"

ਸੂਫੀ ਬਲਬੀਰ ਬਹੁਤ ਹੀ ਪਿਆਰਾ ਤੇ ਸੰਜੀਦਾ ਗਾਇਕ ਤੇ ਗੀਤਕਾਰ ਹੈ। ਉਹ ਜਦ ਵੀ ਕੁੱਝ ਲਿਖਦਾ-ਗਾਉਂਦਾ ਹੈ, ਉਸ ਦਾ ਕੋਈ ਅਰਥ ਹੁੰਦਾ ਹੈ, ਕੋਈ ਸੁਨੇਹਾ ਦਿੰਦਾ ਹੈ। ਉਹ ਐਵੇਂ ਹੀ ਨਹੀਂ ਗਾਉਂਦਾ , ਉਸ ਨੂੰ ਸਮਝਣ ਵਾਲਾ ਚਾਹੀਦਾ ਹੈ। ਇਹ ਗੀਤ ਸੁਣ ਕੇ ਤੁਸੀਂ ਸ਼ਾਇਦ ਮੇਰੇ ਨਾਲ ਸਹਿਮਤ ਹੋਵੋਗੇ।
ਸੰਜੀਦਾ ਤੇ ਅਰਥ-ਭਰਪੂਰ ਗਾਇਕੀ ਪੇਸ਼ ਕਰਨ ਵਾਲੇ ਹਰਮਨ-ਪਿਆਰੇ ਗਾਇਕ ਤੇ ਗੀਤਕਾਰ ਜਨਾਬ ਸੂਫੀ ਬਲਬੀਰ ਦਾ ਨਵਾਂ ਗੀਤ "ਚੋਣਾਂ ਨੇੜੇ ਨੇ" ਭਾਰਤੀ ਰਾਜਨੀਤੀ ਤੇ ਰਾਜਨੇਤਾਵਾਂ ਦੀ ਹਕੀਕਤ ਨੂੰ ਬਾਖੂਬੀ ਪੇਸ਼ ਕਰ ਰਿਹੈ।
ਜੇ ਇਹ ਗੀਤ ਸੁਣਨ ਤੋਂ ਬਾਅਦ ਵੀ ਤੁਸੀਂ ਨਾ ਜਾਗੇ ਤਾਂ ਪੰਜਾਬ ਦਾ ਰੱਬ ਰਾਖਾ।
https://www.youtube.com/watch?v=rPA8IZteLe4

Sufi Balbir - Dharam Vs Vote [Ikk Soch] 

ਵੋਟਾਂ ਅਸੀਂ ਧਰਮਾਂ ਦੇ ਨਾਂਅ 'ਤੇ ਹੀ ਪਾਉਨੇ ਹਾਂ!
ਅੱਜ-ਕੱਲ੍ਹ ਸੋਸ਼ਲ ਮੀਡੀਆ ਦਾ ਯੁੱਗ ਹੈ। ਬਹੁਤ ਕੁਝ ਸਾਹਮਣੇ ਆ ਰਿਹਾ ਹੈ। ਸੁਖਾਵਾਂ ਵੀ ਤੇ ਅਣਸੁਖਾਵਾਂ ਵੀ। ਇਸ ਯੁੱਗ ਨੇ ਬਹੁਤ ਸਾਰੀਆਂ ਰੂੜੀਵਾਦੀ ਕਦਰਾਂ-ਕੀਮਤਾਂ ਨੂੰ ਗਲੋਂ ਲਾਹੁਣ ਵਿੱਚ ਵੀ ਮਦਦ ਕੀਤੀ ਹੈ ਤੇ ਬਹੁਤ ਵੱਡੇ ਹਿੱਸੇ ਨੇ ਇਨ੍ਹਾਂ ਕਦਰਾਂ-ਕੀਮਤਾਂ ਦਾ ਪਸਾਰ ਕਰਨ 'ਚ ਵੀ ਕੋਈ ਕਸਰ ਨਹੀਂ ਛੱਡੀ।
'ਵੋਟਾਂ ਅਸੀਂ ਧਰਮਾਂ ਦੇ ਨਾਂਅ 'ਤੇ ਹੀ ਪਾਉਨੇ ਆੰ।' ਸੂਫੀ ਬਲਬੀਰ ਦਾ ਬਹੁਤ ਹੀ ਸੰਜੀਦਗੀ ਨਾਲ ਲਿਖਿਆ ਤੇ ਗਾਇਆ ਇਹ ਗੀਤ ਸੁਣਨ ਵਾਲਾ ਹੈ ਤੇ ਵਿਚਾਰਨ ਵਾਲਾ ਵੀ।

ਇਸ ਗੀਤ ਰਾਹੀਂ ਸੂਫੀ ਨੇ ਸਾਡੇ ਸਮਾਜ 'ਚ ਮੌਜੂਦ ਅਦਿੱਖ ਪਰ ਮਜ਼ਬੂਤ ਧਰਮ ਤੇ ਜਾਤ ਦੀਆਂ ਦੀਵਾਰਾਂ ਦੀ ਗੱਲ ਕੀਤੀ ਹੈ। ਉਹ ਇਨ੍ਹਾਂ ਵਲਗਣਾਂ 'ਤੇ ਚੋਟ ਕਰਦਾ ਆਖਦਾ ਹੈ ਕਿ ਅਸੀਂ ਆਪਣੀਆਂ ਦੁੱਖ ਤਕਲੀਫਾਂ, ਸਮੱਸਿਆਵਾਂ ਦੇ ਹੱਲ ਲਈ ਧਰਨੇ-ਮੁਜ਼ਾਹਰੇ ਕਰਦੇ ਹਾਂ, ਸੜਕਾਂ-ਰੇਲਾਂ ਰੋਕਦੇ ਹਾਂ, ਪਰ ਜਦ ਚੋਣਾਂ ਆਉਂਦੀਆਂ ਹਨ ਤਾਂ ਅਸੀਂ ਇਹ ਸਭ ਕੁਝ ਭੁੱਲ ਕੇ ਸਾਡੀਆਂ ਸਮੱਸਿਆਵਾਂ ਦਾ ਹੱਲ ਕਰਨ ਵਾਲੀ ਧਿਰ ਕਿਹੜੀ ਹੈ, ਧਰਮ ਤੇ ਜਾਤ ਨੂੰ ਸਾਹਮਣੇ ਰੱਖ ਕੇ ਵੋਟ ਪਾਉਣ ਨੂੰ ਤਰਜੀਹ ਦਿੰਦੇ ਹਾਂ।

ਰਫਲਾਂ, ਗੰਡਾਸੇ ਚੁੱਕਣ, ਪੜ੍ਹਨ ਦੇ ਬਹਾਨੇ ਆਸ਼ਕੀ ਕਰਨ ਤੇ ਹੋਰ ਬੇਥਵੀਆਂ ਮਾਰ ਕੇ ਜਵਾਨੀ ਨੂੰ ਗੁੰਮਰਾਹ ਕਰਨ ਵਾਲੇ ਗੀਤਕਾਰ ਤੇ ਗਾਇਕ ਬਹੁਤ ਹਨ, ਪਰ ਸਿਰ ਨੂੰ ਝੰਜੜਾ ਦੇ ਕੇ ਸੋਚਣੀ ਨੂੰ ਟਿਕਾਣੇ ਲਿਆਉਣ ਵਾਲਾ ਕੋਈ ਵਿਰਲਾ ਹੀ ਹੈ ਤੇ ਇਹ ਮਾਣ ਸੂਫੀ ਬਲਬੀਰ ਨੂੰ ਜਾਂਦਾ ਹੈ ।
ਸਿਹਤਮੰਤ ਗਾਇਕੀ ਦੇ ਸਮੱਰਥਕਾਂ, ਕਦਰਦਾਨਾਂ ਦੀ ਇਹ ਜ਼ਿੰਮੇਵਾਰੀ ਬਣ ਜਾਂਦੀ ਹੈ ਕਿ ਉਹ ਅਜਿਹੇ ਗੀਤਾਂ, ਗੀਤਕਾਰਾਂ ਤੇ ਗਾਇਕਾਂ ਦੀ ਹੌਸਲਾ-ਅਫਜ਼ਾਈ ਕਰਨ।

ਸੂਫੀ ਬਲਬੀਰ ਦਾ ਬਹੁਤ ਹੀ ਸੰਜੀਦਗੀ ਨਾਲ ਲਿਖਿਆ ਤੇ ਗਾਇਆ ਇਹ ਗੀਤ ਸੁਣਨ ਵਾਲਾ ਹੈ ਤੇ ਵਿਚਾਰਨ ਵਾਲਾ ਵੀ।
ਪੰਜਾਬ ਨੂੰ ਇੱਕ ਅਜੇਹੀ ਰਾਜਨਿਤਿਕ ਪਾਰਟੀ ਦੀ ਦਰਕਾਰ ਹੈ ਜੋ ਧਰਮ, ਜਾਤ-ਪਾਤ ਆਦਿ ਤੋਂ ਉੱਪਰ ਉੱਠ ਕੇ ਸਿਰਫ ਪੰਜਾਬ ਤੇ ਪੰਜਾਬੀ ਕੌਮ ਦੀ ਨੁਮਾਇੰਦਗੀ ਕਰਨ ਦੇ ਸਮਰਥ ਹੋਵੇ|
ਮੇਰਾ ਕਿਸੇ ਰਾਜਨੀਤਿਕ ਪਾਰਟੀ ਨਾਲ ਕੋਈ ਸੰਬੰਧ ਨਹੀ ਹੈਂ, ਪਰ ਜੇ ਅਸੀਂ ਚਾਹੁੰਦੇ ਹਾਂ ਕਿ ਸਾਡੇ ਦੇਸ਼ ਵਿੱਚ ਬਦਲਾਅ ਆਵੇ ਤਾਂ ਆਪਣੇ ਆਪ 'ਚ ਸੁਧਾਰ ਲਿਆਉਣਾ ਪਵੇਗਾ। ਇਹ ਰਿਸ਼ਵਤ-ਖੋਰੀ, ਘਪਲੇ, ਧਰਮਾਂ ਦੇ ਨਾਂ 'ਤੇ ਲੜਾਈਆਂ, ਇੱਕ-ਦੂਜੇ ਨੂੰ ਨੀਚਾ ਦਿਖਾਉਣਾ, ਜਾਤ-ਪਾਤ, ਭੇਦ-ਭਾਵ, ਚੋਰੀਆਂ-ਠੱਗੀਆਂ, ਰੇਪ, ਔਰਤਾਂ ਤੇ ਜ਼ੁਲਮ ਕਰਨੇ, ਨਸ਼ੇ ਕਰਨਾ ਆਦਿ ਇਹਨਾਂ ਸਭ ਬੁਰਾਈਆਂ ਤੋਂ ਦੂਰ ਰਹਿਣਾ ਪਵੇਗਾ।
ਦੇਸ਼ ਨੂੰ ਅਜ਼ਾਦ ਹੋਇਆ ਕਰੀਬ 70 ਸਾਲ ਬੀਤ ਚਲੇ ਹਨ। ਇਥੇ ਮਹਿੰਗਾਈ, ਬੇਰੁਜ਼ਗਾਰੀ, ਨਸ਼ੇ ਅਤੇ ਹੋਰ ਇਹੋ ਜਿਹੀਆਂ ਬਹੁਤ ਸਾਰੀਆਂ ਅਲਾਮਤਾਂ ਹਨ। ਪੰਜਾਬ ਦਾ ਨੌਜਵਾਨ ਵਰਗ ਜਿੱਥੇ ਦੇਸ਼ ਦਾ ਵਰਤਮਾਨ ਹੈ ਉੱਥੇ ਔਣ ਵਾਲਾ ਭਵਿੱਖ ਵੀ ਹੈ। ਇਹਨਾਂ ਸਮੱਸਿਆਵਾਂ ਦੇ ਹੱਲ ਲਈ ਅਤੇ ਇੱਕ ਚੰਗੀ ਸਰਕਾਰ ਦੇ ਗਠਨ ਲਈ ਇੱਕ-ਇੱਕ ਵੋਟ ਬਹੁਤ ਕੀਮਤੀ ਹੈ। ਆਉਣ ਵਾਲੇ ਸਮੇਂ 'ਚ ਆਪਣੀ ਵੋਟ ਸਹੀ ਉਮੀਦਵਾਰ ਨੂੰ ਦਿਓ।
https://www.youtube.com/watch?v=nCnzU7lc4fk

Sufi Balbir - Dhund

ਸਾਹਿਤ ਅਤੇ ਸੰਗੀਤ ਦੇ ਸੁਮੇਲ ਸੂਫੀ ਬਲਵੀਰ ਜੀ ਦਾ ਨਵਾਂ ਗੀਤ ਧੁੰਦ

ਸੂਫੀ ਬਲਬੀਰ ਦਾ ਲਿਖਿਆ ਤੇ ਗਾਇਆ ਇਹ ਗੀਤ ਅਸਾਵੇਂ ਵਿਕਾਸ, ਮਜ਼ਬੂਰੀਆਂ ਤੇ ਥੁੜਾਂ ਮਾਰੇ ਬਚਪਨ, ਬਿਰਧ ਅਵਸਥਾ ਚ ਵੀ ਰੋਟੀ ਰੋਜ਼ੀ ਲਈ ਕੰਮ ਕਰਨ ਲਈ ਮਜ਼ਬੂਰ ਲੋਕਾਂ, ਦੇਸ਼ ਦੇ ਭੁੱਖੇ ਮਰ ਰਹੇ ਕਿਸਾਨ ਦੀ ਗੱਲ ਕਰਦਾ ਹੈ।
ਜਦ ਉਹ ਆਖਦਾ ਹੈ "ਬੱਚੇ ਹੱਥੋਂ ਕਾਇਦਾ ਲੈ ਕੇ ਘੱਲਦੇ ਦਿਹਾੜੀਆਂ ਤੇ" ਉਦੋਂ ਜੀ ਕਰਦਾ ਹੈ ਕਿ "ਅੱਛੇ ਦਿਨ" ਦਾ ਭਰਮ ਸਿਰਜਣ ਵਾਲੇ ਦਾ ਰਾਹ ਰੋਕ ਕੇ ਉਸ ਨੂੰ ਸਵਾਲ ਕਰੀਏ ਕਿ ਇਹਨਾਂ ਦਾ ਦੋਸ਼ੀ ਕੌਣ ਹੈ।
ਸੂਫੀ ਨੇ ਕਿਰਸਾਨੀ ਦੇ ਹਾਲਾਤ ਨੂੰ ਵੀ ਬਾਖੂਬੀ ਨਾਲ ਬਿਆਨ ਕੀਤਾ ਹੈ "ਅੰਨ ਦਾਤਾ ਹੋ ਕੇ ਆਪ ਢਿੱਡੋਂ ਭੁੱਖਾ ਫਿਰੇ, ਕਿੰਨੇ ਵੱਡੇ ਵੇਖ ਸੂਫੀ ਜੇਰੇ ਮੇਰੇ ਪਿੰਡ ਦੇ" ਇਹ ਸੁਣ ਕੇ ਕਾਲਜੇ ਨੂੰ ਧੂਹ ਪੈਂਦੀ ਹੈ।
ਸਭ ਤੋਂ ਕਮਾਲ ਇਹ ਹੈ ਕਿ ਸੂਫੀ ਕੇਵਲ ਹਾਲਾਤ 'ਤੇ ਉਂਗਲ ਹੀ ਨਹੀਂ ਰੱਖ ਰਿਹਾ, ਉਹ ਇਹ ਆਖ ਕੇ ਰਾਹ ਵੀ ਦੱਸਦਾ ਹੈ "ਉਠ ਮਾਰ ਹੰਭਲਾ ਜਵਾਨਾ ਮੇਰੇ ਪਿੰਡ ਦਿਆ, ਤਾਹਿਓਂ ਦਿਨ ਆਉਣੇ ਨੇ ਚੰਗੇਰੇ ਮੇਰੇ ਪਿੰਡ ਦੇ।"
ਪੰਜਾਬ ਦਾ ਭਲਾ ਚਾਹੁਣ ਵਾਲਿਆਂ ਦੀ ਇਹ ਜ਼ਿੰਮੇਵਾਰੀ ਬਣਦੀ ਹੈ ਕਿ ਇਹੋ ਜਿਹੇ ਗੀਤਾਂ, ਗੀਤਕਾਰਾਂ - ਗਾਇਕਾਂ ਨੂੰ ਵੱਧ ਤੋਂ ਵੱਧ ਮਾਣ ਸਨਮਾਨ ਦਿੱਤਾ ਜਾਵੇ ।

ਕਾਮਲ ਦਾ ਗੀਤ ਹੈ। ਇਸ ਗੀਤ ਵਿਚ। ਧੁੰਦ ਦੇ ਬਹਾਨੇ ਬਹੁਤ ਕੁੱਝ ਕਹਿ ਗਿਆ
ਪੰਜਾਬੀ ਲੋਕ ਗਾਇਕੀ ਦੇ ਸੁਰੀਲੇ ਹਸਤਾਖਰ ਬਲਬੀਰ ਸੂਫੀ ਨੂੰ 'ਧੀਆਣੀਆਂ ਦੀ ਆਵਾਜ਼' ਪੁਰਸਕਾਰ ਨਾਲ ਵੀ ਸਨਮਾਨਤ ਕੀਤਾ ਗਿਆ ਹੈ। ਸਾਉਥਾਲ ਵਿਚ ਡਾ ਸਾਥੀ ਲੁਧਿਆਣਵੀ ਜੀ ਨੇ 'ਮਾਣ ਪੰਜਾਬ ਦਾ' ਐਵਾਰਡ ਨਾਲ ਵੀ ਨਿਵਾਜਿਆ।
ਸੂਫੀ ਬਲਬੀਰ ਇਕ ਅਜਿਹਾ ਸੰਜੀਦਾ ਗੀਤਕਾਰ ਤੇ ਗਾਇਕ ਐ, ਜਿਹੜਾ ਇਕ ਕਲਾਕਾਰ ਹੁੰਦਿਆਂ ਸਮਾਜ ਪ੍ਰਤੀ ਆਪਣੇ ਫਰਜਾਂ ਨੂੰ ਵੀ ਬਾਖੂਬੀ ਮਹਿਸੂਸ ਕਰਦੈ... ਇਥੇ ਬਹੁਤਾ ਕੁੱਝ ਕਹਿਣ-ਲਿਖਣ ਦੀ ਜ਼ਰੂਰਤ ਨਹੀਂ .....
ਬਹੁਤ ਮਾਣ ਮਹਿਸੂਸ ਹੁੰਦੈ ਸੂਫੀ ਬਲਬੀਰ ਜਿਹੇ ਗਾਇਕਾਂ 'ਤੇ... ਸੂਫੀ ਦੇ ਇਸ ਸੰਜੀਦਾ ਤੇ ਉਸਾਰੂ ਕਾਰਜ ਦੀ ਸਫਲਤਾ ਲਈ ਢੇਰ ਸਾਰੀਆਂ ਸ਼ੁੱਭ-ਇੱਛਾਵਾਂ
ਬਲਬੀਰ ਸੂਫੀ ਇੱਕ ਚੰਗਾ ਗਾਇਕ ਹੀ ਨਹੀ ਸਗੋ ਵਧੀਆ ਗੀਤ ਲਿਖਣ ਦੀ ਮੁਹਾਰਤ ਵੀ ਰੱਖਦਾ ਹੈ | ਉਸ ਦਾ ਹੁਣੇ ਆਇਆ ਨਵਾ ਗੀਤ ਸਾਡੇ ਪਿੰਡਾਂ ਦੁਆਲੇ ਪਸਰੀ ਗੂੜ੍ਹੀ ਧੁੰਦ ਨੂੰ ਦੂਰ ਕਰਨ ਲਈ ਅਜਿਹਾ ਕਰਨਾ ਲਾਜ਼ਮੀ ਹੈ।
https://www.youtube.com/watch?v=bOabtWvlfuo